أحمد بلال يوجه رسالة حادة لـ أحمد حسن: “لما إنت مسؤول وشايف الدنيا سداح مداح.. إحنا نشوفها إزاي؟!” صورة

أثار أحمد بلال، نجم الأهلي السابق، الجدل بتصريحات نارية عبّر فيها عن استيائه من حالة “اللا نظام” التي تسود الدوري المصري الممتاز هذا الموسم، مستنكرًا ما وصفه بالتناقض الصارخ في مواقف بعض رموز المنظومة الكروية.

ونشر بلال عبر صفحته الشخصية بموقع “فيس بوك” منشورًا قال فيه: “أحمد حسن النجم الكبير طالع على DMC بيقول إن الدنيا سداح مداح، بالرغم إنه شغال مع الأستاذ أحمد دياب في نادي ZED، اللي هو رئيس رابطة الأندية!”.

وأضاف بلال بنبرة حادة: “كابتن أحمد حسن كمان عضو في اللجنة الفنية التابعة لاتحاد الكرة اللي بتدير المنظومة. طيب لما حد من جواها بيقول إنها فوضى، الأندية يبقى ليها حق تعترض وتشكك في كل قرار، لأن حتى القائمين على الإدارة شايفينها كده”.

وواصل مهاجم الأهلي السابق هجومه، مشيرًا إلى أن تصريحات من هذا النوع من داخل المنظومة نفسها تؤكد حجم الارتباك وغياب الشفافية، متسائلًا: “لو من جوه بيقولوا إنها سداح مداح.. احنا من بره نشوفها إيه؟”.