أكد الكابتن أحمد سليمان، نجم نادي الزمالك السابق، أن ملف انسحاب الأهلي من مباراة القمة الأخيرة أمام الزمالك يحمل أبعادًا مختلفة هذه المرة، نظرًا لتطبيق عقوبة مماثلة على الزمالك في الموسم الماضي في نفس الموقف تمامًا.
وقال سليمان، خلال ظهوره في برنامج على قناة MBC مصر:”في انسحابات كتير حصلت في تاريخ الكرة المصرية سواء من الزمالك أو الأهلي، واتفرضت فيها عقوبات واتراجعت، لكن دي مش القضية دلوقتي.”
وأضاف:”الفرق في الواقعة دي إن الموسم اللي فات الزمالك اتطبق عليه العقاب بسبب عدم حضوره القمة، والزمالك وقتها احترم الكرة المصرية وبعت خطاب رسمي إنه مش هيشارك، علشان المشهد مايبقاش مسيء.”
وتابع سليمان:”عشان كده، الحديث دلوقتي لازم يكون عن نقطة واحدة بس.. هل هيتطبق نفس القرار اللي اتطبق على الزمالك؟ ولا هيبقى فيه ازدواج في المعايير؟”
وشدد سليمان على أهمية العدالة وتطبيق اللوائح بشكل متساوٍ على الجميع دون تمييز، مؤكدًا أن العدالة الرياضية هي الأساس في استقرار أي مسابقة.
