كشف أمير هشام إن النادي الأهلي سبق واتفق رسميًا مع غزل المحلة على ضم المدافع عمرو الجزار، لكن القرار لسه ما تحسمش، رغم إن الخطيب شخصيًا عقد جلسة مع رئيس شركة الكرة بالمحلة واتفقوا على كل التفاصيل.
وقال هشام في برنامجه “بلس 90” على قناة النهار: “في مفاضلة حالياً بين عمرو الجزار وياسين مرعي مدافع فاركو، وكمان النادي لسه منتظر موقف رامي ربيعة اللي ما تراجعش عن مطالبه المالية، وموقفه مش محسوم بشكل نهائي”.
وأضاف: “الأهلي كمان تواصل مع عمر فايد مدافع فناربخشة التركي، واللاعب نفسه مرحب جداً بالانضمام، لكن المشكلة إن فناربخشة طلب 3 مليون يورو، وده اللي وقف المفاوضات مؤقتًا”.
وأكد هشام إن ملف الدفاع في الأهلي مازال مفتوح، وكل الأسماء مطروحة، وفي انتظار القرار النهائي من لجنة الكرة والجهاز الفني.
تعليقات زوار الموقع
إتبعنا
