أكد حسام المندوه، أمين صندوق نادي الزمالك، إن النادي يعمل حاليًا على حل كافة القضايا والملفات المالية المتراكمة، مؤكدًا أن الإدارة سددت مبالغ ضخمة للاتحاد الدولي لكرة القدم “فيفا” بسبب الغرامات السابقة.
وقال المندوه خلال ظهوره عبر قناة أون سبورت: “صعب نسدد كل الفلوس مرة واحدة، لكن بنشتغل على القضايا واحده واحده، وفي شغل كبير بيتعمل على كل المستويات”.
وأضاف: “مفيش حد ساكت، بس المشاكل كتير، ومقولناش إنها خلصت، لكن بنحل فيها، وبنطمن جماهير الزمالك على الفتره الجاية، وبإذن الله فيه شغل قوي في ملف الصفقات”.
وتابع: “الزمالك محتاج دعم كل أبناءه ومحبيه، ومفيش أي أزمة مالية مع عبدالله السعيد، وأتمنى من الإعلام يتحرى الدقة في الكلام عن النادي”.
واختتم: “مش معنى كلامي إن كل اللاعبين واخدين مستحقاتهم كاملة، لكن الأكيد إنه مفيش أزمة مالية في الزمالك”.
تعليقات زوار الموقع
إتبعنا
