كشف الإعلامي جمال الغندور إن المدير الفني لنادي الزمالك أيمن الرمادي دخل بنفسه لحسم ملف تجديد عقد عبدالله السعيد، وبدأ يتحرك علشان يقرب المسافات بين اللاعب ولجنة التخطيط.
وقال الغندور في “ستاد المحور”: “أيمن الرمادي عقد جلسة مع عبدالله السعيد، واللاعب أكد تمسكه الكامل بالتجديد للزمالك، بشرط يكون في نقطة اتفاق واضحة بينه وبين لجنة التخطيط”.
وأكد: “الرمادي وعد عبدالله إنه هيشتغل على حل الخلاف اللي حاصل علشان الملف ده يتقفل في أسرع وقت، خصوصًا قبل نهائي كأس مصر اللي الزمالك هيلعبه قدام بيراميدز يوم 5 يونيو”.
واختتم: “أيمن الرمادي شايف إن عبدالله السعيد له قيمة كبيرة جوه الفريق، ومش عايز أي حاجة تأثر على تركيزه في المرحلة المهمة دي”.
تعليقات زوار الموقع
إتبعنا
