كشف مصدر مسؤول داخل النادي الأهلي، عن حالة من الغضب الشديد داخل القلعة الحمراء، بعد قرار الاتحاد المصري لكرة اليد بترشيح الزمالك للمشاركة في كأس العالم للأندية (سوبر جلوب) بجانب الأهلي.
وقال المصدر في تصريحات خاصة للمصري اليوم: “كل ده نكش، وإحنا مش طرف في المشكلة دي، الزمالك قرأ اللوائح غلط، واللي بيحدد المشاركة هو الاتحاد الدولي مش اتحاد اليد المصري”.
وأضاف: “الأهلي يشارك كمُنظم وكبطل للسوبر الإفريقي 2025، والزمالك بيتكلم باسم مصر رغم إنهم كانوا أول ناس بيهاجموا فكرة تمثيل مصر”.
وتابع المصدر: “البطل المحلي هيشارك تلقائيًا في نسخة 2025 من السوبر جلوب، وإحنا أبطال الدوري المصري.. ليه نسيب حقنا كمنظم ونفرط في اختيار مجموعتنا؟”
وأكد: “عايزين نكتب تاريخ جديد، ومن حقنا نحدد كل التفاصيل، والاتحاد الدولي لسه مبعتش حاجة رسمية، وكل اللي بيتقال مجرد هري على السوشيال ميديا”.
واختتم تصريحاته: “الاتحاد المصري أخد القرار من دماغه، ومالوش صلاحية يرشح الزمالك، القرار النهائي في يد الاتحاد الدولي، والمنطقي إن الترجي التونسي يشارك باعتباره وصيف السوبر مش الزمالك”.
