تساءل الإعلامي خالد الغندور عن أسباب تأجيل لجنة التظلمات إصدار قرارها النهائي في أزمة مباراة الزمالك والأهلي أكثر من مرة، رغم وضوح الموقف القانوني منذ البداية.
وقال الغندور: “أنا بأجل ليه؟ مستني ورق الزمالك؟ مستني ورق الأهلي؟ مستني ورق الرابطة؟ طب ما عندي اللايحة! وبعدين ييجي معاد تاني يقولك أصل الورق موصلش، ييجي معاد تالت يقولك أصل مبينوش الفرق بين القرار الأول والتاني، فنبعت لطه عزت، فييجي ويقعدوا معاه، يقولك مش هنقدر نعمل حاجة عشان القرار محصن”.
وأضاف: “يعني أنت من أول يوم كنت عارف إن القرار محصن، مجرد ما تقرأ اللايحة هتعرف إن فيه عوار وإنك مش هتقدر تحكم فيها، طيب ليه ما اتخذتش القرار من ساعتها؟ ليه اتأجلت واتعملت كل المبررات اللي في الآخر وصلت لنفس المصوغات اللي كنت تقدر تقولها من الأول؟”.
الغندور أشار إلى أن المماطلة في إصدار القرار خلقت حالة من الارتباك والجدل، رغم أن الحسم كان ممكنًا منذ اليوم الأول لو تم الاعتراف بعدم اختصاص اللجنة بسبب الحصانة الواردة في اللائحة.
