كشف الكابتن شيكابالا، قائد نادي الزمالك، عن كواليس مهمة خلال ظهوره مع أحمد حسام ميدو في بودكاست “ذا ميكر”، مؤكدًا أن هناك أشخاصًا لا يرغبون في رؤية الزمالك يسير على الطريق الصحيح.
وقال شيكابالا:”في ناس مبتحبش نادي الزمالك يبتدي يروح على الطريق الصح، عايزين نفضل في دوامة المشاكل والعشوائية، محدش بيصلح، في ناس عايشة على المشاكل دي علشان تفضل موجودة”.
من جانبه، رد ميدو:”المكاسب بتاعتهم من العشوائية، لكن بوعدك يا شيكا إحنا شغالين، وناس كتير فاكرة إن ميدو وحازم عايزين يهيمنوا على قطاع الكرة وده مش حقيقي.. إحنا اضطرينا نقوم بأدوار مش بتاعتنا علشان مكنش في حاجة خالص”.
وأضاف شيكابالا:”انتوا بتشيلوا شيلة مش بتاعتكم، لما تيجي تصلح غلط المفروض الناس تساعدك مش تقطم فيك، دي مشكلتنا في النادي”.
وختم ميدو كلامه برسالة أمل:”إن شاء الله هنعدي المرحلة دي، والزمالك هيبقى في حتة كويسة.. الموضوع مش هيتغير في يوم وليلة، لكن كلنا في مركب واحدة، ومستحملين علشان عندنا هدف واحد نحط الزمالك في مكانه الطبيعي”.
