أكد عبدالواحد السيد، مدير الكرة بنادي الزمالك، أن أحمد سيد زيزو لم يكن من اللاعبين الذين ضحوا من أجل النادي كما يروج البعض، بل كان الأكثر حصولًا على مستحقاته بين جميع اللاعبين.
قال عبدالواحد عبر قناة MBC مصر: “مفيش لاعب في تاريخ الزمالك خد كم مستحقات وترضيات زي زيزو، وحديث التضحية ده كلام يضحك”.
وأضاف: “زيزو كان بياخد فلوسه بانتظام كل شهر من خارج النادي، في وقت كان فيه لعيبة ليهم 7 و8 شهور مستحقات، وكان الأستاذ ممدوح عباس بيتكفل بيه بشكل كامل”.
واستكمل: “الجمهور ميقولش اللاعب ضحى، لأن ده بيستخدم كأداة ضغط على النادي.. عندنا لعيبة زي عمر جابر وقّع على بياض، ومحمد شحاتة وقع من غير ما ياخد فلوس، وفي لعيبة تانية بتضغط وتقول مش هوقّع غير لما الفلوس تبقى في إيدي”.
وختم قائلاً: “زيزو مالوش مستحقات، واللي بيقول عليه 70 مليون ده كلام مش مظبوط، وده كأنه بيطلب عقده مرتين”.
