واصل الإعلامي عمرو أديب تعليقاته النارية على المشهد الكروي في مصر، موجّهًا تهنئة مبكرة للنادي الأهلي على بطولة الدوري المصري، وسط سخرية لاذعة من أداء بعض الفرق.
وخلال حلقة من برنامجه على قناة MBC مصر، قال أديب: “يطيب لي أن أتوجه بالتهنئة لنادي الأهلي على بطولة الدوري المصري، ومحدش يقولي لأ لسه بدري”.
وأضاف ساخرًا بعد خسارة بيراميدز من فاركو 3-2: “يعني بيراميدز ده اللي جنن الدنيا كلها ييجي يتغلب من فاركو؟ عشان كده بقولك كله عايز الأهلي ياخد الدوري”.
واستكمل حديثه بنبرة ساخرة:
“احنا بنصحى كل يوم الصبح ليه؟ مش عشان نروح الشغل.. لا، عشان الأهلي ياخد الدوري. بنذاكر ليه؟ مش علشان ننجح، علشان الأهلي ياخد الدوري. بنعمل طرق وكباري ليه؟ برضه علشان الأهلي ياخد الدوري!”
وأنهى تصريحاته بتعليق لافت: “الماتش يخلص تلاقي مسؤول في فاركو يكتب مبروك لفاركو وللأهلي.. يعني حتى فاركو بيلعب علشان الأهلي يكسب!”
شاهد :
