أثار الكابتن مجدي عبدالغني، نجم النادي الأهلي السابق، الجدل مجددًا خلال ظهوره عبر بودكاست “مان تو مان”، حيث وجه انتقادات حادة لبعض قرارات النادي الأهلي الأخيرة بشأن تكريم رموزه في إعلان ستاد الأهلي الجديد.
وقال عبدالغني بنبرة ساخرة:”النهارده رايحين تجيبولي جيلبرتو تلبسوه فانلة وتحطوا باسمه طوبة في إعلان ستاد الأهلي.. هاهاهااو!”، مضيفًا: “جيلبرتو ده دلوقتي في أنجولا مابقوش يعرفوه”.
وتابع عبدالغني: “رايحين تجيبوا جوزيه عشان يحط طوبة؟! طب إحنا فين! محدش عمل تاريخ زي اللي إحنا عملناه، مع كامل احترامي لجوزيه، لكنه ماعملش اللي إحنا قدمناه للنادي”.
واستكمل تصريحاته: “أنا فين، وربيع ياسين فين، وماهر همام فين؟ وفين باقي الناس اللي فعلاً عملوا تاريخ؟ رايحين تجيبوا بس كابتن زيزو؟ هو زيزو بس اللي صنع تاريخ الأهلي؟! ده عيب.. التاريخ لا يُمحى”.
تصريحات مجدي عبدالغني فتحت بابًا واسعًا للنقاش بين الجماهير حول هوية من يستحق التكريم في تاريخ النادي الأهلي، وأثارت حالة من الجدل بين محبي النادي على مواقع التواصل الاجتماعي.
