أشار مجدي المتناوي، المستشار القانوني الرياضي وخبير اللوائح الرياضية، إلى أن لجنة التظلمات أصدرت قرارها بشأن مباراة القمة بين الزمالك والأهلي بناءً على اللائحة.
قال المتناوي في تصريحات عبر برنامج “الكابتن” مع الصقر أحمد حسن على قناة dmc: “لجنة التظلمات أصدرت قرارها بناءً على لائحة، حتى لا نحمل العبء بالكامل عليها”.
أضاف: “الرابطة عملت لائحة مخالفة للقانون الدستوري المصري ولائحة اتحاد الكرة، ومفيش حاجة اسمها قرارات غير قابلة للطعن”.
تابع: “مش فاهم الأندية وافقت إزاي على بنود اللائحة دي، وممكن يكونوا مضوا باعتبارها نسخة شبه بتاعت السنة اللي فاتت، لكن الحقيقة إنها مختلفة”.
أوضح: “مش مفهوم إن الأندية توقع على لائحة بتحصن قراراتها من الطعن، وده غير قانوني”.
أردف: “الحكم النهائي في الموضوع ده هيكون من محكمة الكاس، وكان المفروض قبل ما تروح للتظلمات يتم الطعن على اللائحة نفسها”.
أكمل: “احنا في لوغاريتم، وعندنا لائحة فيها إشكالية.. فهل محكمة كاس هتتصدى ليها؟ المحكمة الرياضية مش هتقول ده شأن داخلي، هتحكم في القضية”.
أكد: “ممكن جداً يكون في شق عاجل ويؤدي لتعليق إعلان بطل الدوري لحين الفصل في الطعن المقدم”.
اختتم: “الأزمة دي مش هتأثر على القيد، ولازم كل جهة تعرف دورها كويس، والرابطة لازم يبقى ليها مستشار قانوني ومدير مالي وهيكل إداري حقيقي”.
