قال حلمي طولان في تصريحات نارية لبرنامج “زملكاوي” على قناة الزمالك:”المسئولين عن رابطة الأندية لا يقدروا يديروا حتى مركز شباب، ولا عندهم فكر كروي ولا وعي”.
أضاف:”أنا بلوم على الأندية اللي اختارت الناس دي تمثلهم، لأنهم مش قد المسئولية، واللي بيحصل في الكورة المصرية حالياً مهزلة”.
وتابع:”ثروت سويلم عيب يتكلم عني ويقول إني ضد بقاء الإسماعيلي، لما تتكلم عن الزمالك أو ولاده اتكلم باحترام، وقرار إلغاء الهبوط معمول علشان النادي اللي بيرأسه رئيس الرابطة مش علشان الإسماعيلي”.
واصل:”ثروت سويلم مش هيقدر يطلع يقول عكس اللي قاله، هو أضعف من كده، والرابطة دي أضرت بالكرة المصرية جدًا ومفيش منها أي فايدة”.
واختتم:”الكرة المصرية رجعت 50 سنة لورا، والرابطة لا عندها فكرة ولا رؤية للتطوير، وإحنا محتاجين ثورة تطهير من الدخلاء، خصوصاً بعد ما هاني أبو ريدة اختارنا نكون في اللجنة الفنية، وده أكبر دليل على قيمتنا”.
