ياسمين عز تحرج محمد شريف بسبب سؤال هل يفضل الانتقال الى الزمالك على حساب بيراميدز والأهلي ورد غير متوقع

علّق محمد شريف نجم الأهلي السابق على ما يُثار حول توقيعه للزمالك ومطالبته بالحصول على 50 مليون جنيه كمقدم تعاقد، مؤكدًا أن كل ما يُقال غير صحيح.

وقال شريف خلال ظهوره عبر قناة “MBC مصر”: “مين ده؟ أنا؟ مفيش الكلام ده خالص.. أنا لحد دلوقتي ممضتش لأي نادي، ومفيش حد كلمني بشكل شخصي”.

وأوضح أن هناك عروضًا تتم دراستها من قبل وكيله فقط، مضيفًا: “الوكيل بيدرس كذا عرض، لكن أنا شخصياً مفيش تواصل حصل معايا”.

وعن تفضيله المالي بين العروض، قال شريف: “وحياة عيالي الفلوس مش كل حاجة، أنا بحب أروح مكان أكون مرتاح فيه، الفلوس مهمة أكيد بس مش هي الأساس”.

واختتم حديثه قائلاً: “أنا مبحبش أتكلم بنفسي في موضوع الانتقالات علشان لو الصفقة متمتش ميكنش في إحراج”.