قال أحمد مرتضى منصور، عضو مجلس إدارة نادي الزمالك السابق، إن إدارة النادي رفضت بيع أحمد مصطفى زيزو، لاعب الأهلي الحالي، في وقت سابق، بسبب الخوف من ردود فعل الجماهير على مواقع التواصل الاجتماعي.
وأوضح أحمد مرتضى، خلال ظهوره في برنامج “مان تو مان” مع عمر ربيع ياسين عبر صفحته الرسمية، أنه تواصل مع مجلس إدارة الزمالك حينما كان النادي قاب قوسين أو أدنى من بيع زيزو، خاصة بعدما أبدى اللاعب رفضه للرحيل، قائلاً: “كلمت بعض أعضاء المجلس وقتها وقلت لهم بيعوه، واضح إنه في طريقه للأهلي”.
وأضاف: “كنت متوقع إنه يروح الأهلي أو بيراميدز، واللي يدفع أكتر هو اللي هيكسب الصفقة، وده مش عيب”.
وتابع: “اللي بيقول زيزو طماع، أنا بقوله كل لاعيبة مصر كده، بيدور على مصلحته وده من حقه، عايز يحقق أكبر استفادة مادية خلال فترة لعبه، وده مش طمع، ده حق مشروع لأي لاعب”.
تعليقات زوار الموقع
إتبعنا
