علق إمام عاشور لاعب الأهلي على إصابته التي تعرض لها خلال مباراة إنتر ميامي في افتتاح كأس العالم للأندية 2025، مؤكداً ثقته في الله وصبره على ما حدث.
وتعرض إمام عاشور لإصابة بكسر في عظمة الترقوة وسيغيب على إثرها لمدة شهرين، ما يعني انتهاء مشواره مبكرًا مع الأهلي في كأس العالم للأندية.
ونشر إمام عاشور رسالة عبر حسابه الرسمي على إنستجرام، قال فيها: “ما قدر الله لك فهو أت إليك، وما لم يقدره لك فلن يصيبك”.
وأضاف: “الحمد لله على كل شيء، الإصابة كانت صعبة وجت في أول لحظات لي في البطولة، وده قدر ربنا ولازم أرتضي به”.
وتابع: “كان نفسي أكون موجود وأقارع مع إخواني في الملعب، بس دا نصيبي ودلوقتي داخل أعمل العملية، وإن شاء الله أرجع أقوى”.
وختم رسالته قائلاً: “الإحساس اللي جوايا دلوقتي مش سهل بس اللي مخليني ثابت هو إيماني بدعمكم ودعواتكم. المرحلة دي محتاجة منكم تبقوا ورا كل لاعب في الفريق، سواء قديم أو جديد كلهم بيلعبوا بقلبهم وبيحبوا النادي وبيخافوا عليه. صدقوني دعمكم بيفرق جدا، واللاعبية مستنياكم زي ما دايمًا واقفين في ضهرنا”.
