أثارت الإعلامية ياسمين عز حالة من الجدل بتصريحاتها النارية عن أسباب خسارة النادي الأهلي أمام بالميراس البرازيلي في بطولة كأس العالم للأندية 2025.
وقالت ياسمين عز، خلال ظهورها عبر قناة “MBC مصر”: “حد يقولي ما هو سبب خسارة الأهلي؟ بكل بساطة هقولك.. الملعب مش اللعيبة!”.
وأضافت: “الملعب ده معروف إنه ملعب ملعون في أمريكا، وهما عشان يهزموا الأهلي نادي القرن، ودوه هناك مخصوص عشان يخسر في الملعب الملعون”.
وتابعت: “وسام أبو علي نجم الأهلي لما حط الكورة رجعت لورا بدل ما تكمل لقدام.. يا سلام!”.
وواصلت: “أما الهدف التاني.. محمد هاني بيجري ورا اللاعب وبيمد رجله يجيب الكورة، وقع على وشه فجأة، ومحدش لاقي تفسير علمي.. يبقى ملعب ملعون ولا لأ؟”.
وأضافت: “أفشة كان سارح في ملكوت الله.. ناقص يطلب شاي، وحاسة بلعنة مخلياه بيلعب كأنه في الشارع مش في أمريكا!”.
واختتمت قائلة: “لما الأهلي فاق.. قامت عاصفة! خلي بالك.. رياح شرقية مش غربية زي كل مرة.. وبن شرقي مش بعيد يكون مقصودة.. عايز تقولي الطبيعة ضدنا؟ مين قالك إن الرياح دي ممزقتش الكورة في هدف وسام أبو علي؟ أو وقعت محمد هاني؟!.. خلاص كده.. لعيبتنا زي الفل!”.
