أكّد أحمد بلال، نجم الكرة المصرية السابق، أنه لا يشجع سوى النادي الأهلي، لكنه في الوقت ذاته وجّه التهنئة لنادي بيراميدز بعد فوزه بلقب دوري أبطال إفريقيا لأول مرة في تاريخه.
وقال بلال، خلال تصريحاته في برنامج “بلس 90” عبر قناة النهار: “أنا أهلاوي فقط، ودي حاجة مفروغ منها، لكن في نفس الوقت ببارك لبيراميدز على البطولة المهمة اللي حققوها، وده إنجاز كبير للكرة المصرية”.
وأضاف: “لو الزمالك شايف إن السوبر الإفريقي كفاية، ده خطر كبير على النادي، لأن الزمالك لازم يفضل موجود في كل البطولات القوية، واللي بيحصل داخل القلعة البيضاء مؤخرًا هيبعد الفريق عن المنافسة الحقيقية”.
وشدّد بلال على أن: “مش من مصلحة الكرة المصرية تبقى القمة دايمًا بين فريق في الصدارة والتاني في المركز الرابع، إحنا محتاجين التوازن بين الأهلي والزمالك، وده اللي بيرفع من قيمة الدوري”.
واختتم: “الزمالك بيحاول يوضح لجماهيره إنه بيدافع عن حقوقه، لكن الموسم بالنسبة له بينتهي بكأس مصر، وأتمنى إن الفريق الأبيض يتوج بالبطولة لإن ده هيكون مهم للنادي وجماهيره”.
