أكّد عمرو الجنايني، عضو لجنة التخطيط في الزمالك أن فترة الانتقالات القادمة ستكون استثنائية بالنسبة للقلعة البيضاء، مشيرًا إلى أن الصفقات المنتظرة سترضي طموحات كل الزملكاوية.
وقال الجنايني في تصريحاته عبر قناة نادي الزمالك:”موسم الانتقالات القادم هيكون أكثر من رائع، واللي جاي أحسن أوي أوي، وهيكون في صفقات تليق باسم نادي الزمالك وهيفرح بيها الجمهور”.
وأضاف:”طموحات جماهير الزمالك هي نفسها طموحاتنا.. فتره الانتقالات هتكون مرضية جدًا بإذن الله”.
ثم وجّه رسالة قوية قائلاً:”محدش يقول راجل كداب.. مفيش كداب هيبقى راجل، وكل واحد حر يدور على مستقبله، بس متبقاش كداب ولا طمّاع ولا نصّاب.. لأن مفيش نصابين كتير على فكرة”.
واستكمل:”نادي الزمالك ده شرف.. شرف للناس تعدي من قدام بابه حتى، إحنا بنشجع النادي مش اللاعبين.. اللي معانا أهلا وسهلا، واللي مش معانا ربنا يتولاه”.
واختتم الجنايني تصريحاته قائلًا:”نادي الزمالك مسؤوليتنا، وكل من ينتمي له عليه أن يلتزم بقيمه وتاريخه وأمانته.. الزمالك مش مجرد نادي، ده كيان وتاريخ كبير”.
