أكد أحمد بلال نجم الأهلي السابق، أنه لم يُفاجأ بتراجع أداء بيراميدز أمام الزمالك في نهائي كأس مصر، خاصة أن الفريق السماوي كان ما زال يعيش أجواء الاحتفال بلقب دوري أبطال إفريقيا.
وقال بلال خلال ظهوره في برنامج بلس 90 عبر قناة النهار:
“كنت متوقع إن بيراميدز هيتراجع بدنيًا وفنيًا، الفارق الزمني بين النهائيين كان ضيق جدًا، وحتى ممدوح عيد حضر الملعب ومعاه كأس إفريقيا، وكأنهم لسه في فرحة التتويج”.
وأضاف:
“في المقابل، أيمن الرمادي جهّز الزمالك بشكل مميز، وكان فيه لمسات واضحة على أداء الفريق، لكن لسه في شغل كتير لازم يتعمل عشان الفريق يكون جاهز للموسم الجديد”.
وتابع:
“مش لازم نفرح بالكأس وننسى نخطط، الزمالك محتاج يبدأ من دلوقتي يحط خطة واضحة للموسم اللي جاي، لأن العالم كله شغّال على الموسم الجديد، والوقت مش في صالح أي فريق بيتأخر في التحضير”.
وأشار بلال إلى أن هناك لاعبين يجب رحيلهم عن الفريق، وقال:
“مش منطقي إن الزمالك يكمل بلاعبين مش على مستوى الطموح، وكمان فكرة التعاقد مع أجانب من غير قيمة فنية حقيقية لازم تتوقف، ممكن تجيب لاعب بـ60 ألف دولار يجري شوية وخلاص!”.
وأردف:
“الرمادي ممكن يكون قلقان من الدفع بالناشئين، وده شئ مش مفيد، لأن في النهاية مفيش لاعب صغير بيظهر، وأغلب الأندية بتكدّس لاعبين أجانب من غير فايدة، وفيه فرق جايبة 6 أجانب ومحدش منهم بيلعب”.
واختتم بلال تصريحاته قائلاً:
“لازم نشتغل على منتخبات الناشئين والشباب كمان، من زمان كنا بنشوف لاعبين أقل من 20 سنة بيلعبوا في الدوري، دلوقتي مفيش حد بيطلع”.
