إبراهيم فايق يهاجم وزير الرياضة بسبب الأهلي وتركي ال الشيخ: تصريحاتك تشعل الفتنة من جديد!

فتح الإعلامي إبراهيم فايق النار على الدكتور أشرف صبحي وزير الشباب والرياضة، بعد تصريحاته الأخيرة التي أكد فيها أنه دعم الأهلي كثيرًا وقت أزمة هدايا تركي آل الشيخ، ولم يسمح لأي شخص بإهانة النادي الأحمر.

ووجّه فايق رسالة مباشرة للوزير قائلًا: “حضرتك فتحت موضوع قديم بيصنع فتنة جديدة.. مين المستفيد من التصريحات دي؟ إحنا بقينا فاتحين صفحة جديدة بين الأندية، ليه نرجع لملفات ملهاش لازمة؟”.

وأضاف فايق: “الأستاذ خيري رمضان سألك سؤال منطقي.. ليه مش بتدعم الأهلي؟ ليه مش بتروح هناك؟ كان ممكن ترد عليه رد واضح ومنطقي، لكن التصريحات دي ملهاش توقيت، وبتفتح باب مش في مصلحة الكرة المصرية”.

وتابع قائلًا: “ياريت حضرتك تطلع توضح الهدف من التصريحات دي، وليه دلوقتي تحديدًا؟ لأن التوقيت غريب ومريب جدًا”.