أكد الكابتن جمال عبدالحميد، نجم نادي الزمالك السابق، أن الفريق الأبيض كانت دوافعه أكبر من بيراميدز لتحقيق لقب كأس مصر، وهو ما ظهر بوضوح في شوط المباراة الثاني.
وقال عبر قناة النهار في برنامج بلس 90: “الزمالك دخل الشوط الأول وهو عنده حالة رعب حقيقية، وكان باين إن اللاعيبة خايفة تضيع البطولة، وده خلى بيراميدز أفضل في البداية”.
وأضاف: “سيف الجزيري كان لوحده تمامًا في الهجوم، لكن الشوط التاني كان مختلف، والتغييرات قلبت شكل الفريق، وأضعنا 4 فرص محققة، وناصر منسي سجل هدف ممتاز”.
وتابع: “الشناوي خرج عليه بسرعة وكان ممكن يحطها لوب، لكنه لعبها بشكل ممتاز، والمكسب جه في وقت مهم جدًا.. وجمهور الزمالك يستحق الفرحة دي”.
وأكمل جمال عبدالحميد: “الرمادي لازم يكمل وياخد فرصته، اللاعيبة بدأت تفكر وتلعب بهدوء، والمنظومة بدأت تتشكل، والمفروض يتم البناء على ده بدل ما نبدأ من الصفر تاني”.
واختتم قائلًا: “أنا مؤيد لاستمرار شيكابالا الموسم الجاي، ومش عايزه يعتزل دلوقتي، وجوده مهم كقائد وخبرة داخل الفريق”.
