شن الإعلامي خالد الغندور هجومًا قويًا على حالة الجدل الدائرة بين أحمد حسام ميدو وسيد عبد الحفيظ ومحمد بركات، بسبب التصريحات الأخيرة حول أداء لاعبي الكرة المصرية، مؤكدًا أن ما يحدث حاليًا خرج من إطار التحليل الفني إلى ساحة “الردح” بين الأطراف المختلفة.
وقال الغندور خلال ظهوره عبر قناة المحور:”أنا مش فاهم يا جماعة.. إيه اللي بيحصل ده؟ ميدو قال رأيه، وبيقول نفس الكلام اللي قاله قبل كده كارلوس كيروش ومانويل جوزيه، وهما أكبر من أي حد، وبيتكلموا عن مشاكل واضحة زي الاستلام والتسليم والتحرك بدون كورة”.
وأضاف:”حتى سيد عبد الحفيظ نفسه قال بعد الماتش إن فيه ميس باص غير طبيعي وفقدان كورة، يعني كله متفق إن فيه مشكلة، ليه بقى قلبنا الموضوع لأهلي وزمالك وزمالك وأهلي؟”.
واختتم:”يا جماعة النادي الأهلي في مكان تاني دلوقتي.. في كأس العالم للأندية، بلاش ندخل الزمالك في القصة، ولو مش عاجبك كلام ميدو قول تحليل تاني.. مش لازم الموضوع يقلب ساحة مين يرد أحسن ومين صوتُه أعلى”.
