هاجم الثنائي إبراهيم المنيسي وعدلي القيعي الإعلامي مهيب عبد الهادي، بسبب ما وصفوه بمحاولة ضرب استقرار الجهاز الفني للنادي الأهلي بقيادة خوسيه ريبيرو، خلال فترة مشاركة الفريق في كأس العالم للأندية بأمريكا.
وقال المنيسي عبر قناة الأهلي:”أنت في كأس العالم للاندية.. الناس عايزة تكسر الأهلي بفتنة بين اللاعيبة وضرب ثقة الجماهير في المدرب. فجأة يظهر عمرو جمال ضيفًا مع مهيب عبد الهادي ويتحول لمحلل في قدرات ريبيرو لمجرد إنه دربه قبل كده في فنلندا.. بقى عمرو جمال فرخة بكشك عشان يقول رأيه في ريبيرو ويكسروا فيه من دلوقتي”.
أما عدلي القيعي فوجه انتقادات لاذعة لمهيب عبد الهادي قائلا:”يا أستاذ مهيب.. أنت بتحط الكلام في بقه علشان يهاجم المدرب، وفي الآخر الراجل يقولك: لا أنا ما قلتش كده.. عايز توصل لضرب المدرب ليه؟ مع إن توجه الـMBC الرسمي مساندة الأهلي لكن أنتوا لابسين تيشرتات حمرا وقلوبكم سودة”.
وتابع القيعي:”يا أستاذ مهيب.. مش هنعدي لك اللي بتعمله، ومش غايب عننا ولا عن جماهير الأهلي.. لو مش طايق النادي الأهلي هدى على نفسك شوية واعتذر في الفترة المؤلمة دي بالنسبالك.. يمكن تلاقي حد إعلامي يقدر يمسك أعصابه قدام الرأي العام”.
واختتم القيعي حديثه قائلًا:”عمرو جمال كان فير، ولم يتهم ريبيرو بحاجة ولا شكك في كفاءته، لكن مش دورك تقيمه، لأنك مقدم برنامج مش ناقد.. وأنا فاهمك كويس وعارف اللي جواك”.
