قال أحمد بلال نجم الأهلي السابق إن صفقة أشرف بن شرقي مش من أنجح صفقات الأهلي، والسبب إنه “فاقد الشغف” ومابيتطورش مع الفريق.
وأضاف بلال في برنامج بلس 90: “بن شرقي واضح إنه فقد الحماس بعد ما لعب في الزمالك وحقق بطولات وسافر الخليج، دلوقتي مستواه مش ثابت وعماد النحاس سحبه من كذا ماتش”.
وتابع: “فيه لاعيبة جت من الزمالك للأهلي وما نجحتش، لكن لو زيزو جي الأهلي ونجح ده هيكون شيء كويس، بشرط إنه ميسببش مشاكل في غرفة اللبس”.
وأكد أحمد بلال إن انسحاب الأهلي من ماتش الزمالك كان قرار خاطئ تمامًا، وقال: “ماكانش موفق خالص، والمفروض الأهلي يلعب مهما كانت الظروف”.
وأضاف: “كنت أتمنى علي معلول يفضل مع الفريق لأنه كان بيقدّم أداء ثابت، كمان رامي ربيعة كان بيعمل شغل كبير رغم قلة الظهور”.
تعليقات زوار الموقع
إتبعنا
