فتح الإعلامي تامر أمين النار على منتقدي الأهلي بعد خسارته في كأس العالم للأندية، موجّهًا رسائل قوية لكل من وصفهم بـ”الشامتين” في نتائج الفريق الأحمر.
وقال أمين خلال ظهوره عبر قناة النهار: “عارف إن الأهلاوية زعلانين، لكن كلامي هنا موجه لغير الأهلاوية.. للسادة الشامتين تحديدًا.. نفسي أسألهم سؤال واحد: ليه الشماتة في الأهلي طعمها حلو كده؟ ممتعة ليكم؟”.
وأضاف: “قبل ما أسأل مين جابكم ومين عزمكم على الفرحة دي.. لازم أقول إن مش كل جماهير الزمالك أو بيراميدز كده، أنا بكلم الناس اللي شمتت بس.. إنت فرحان ليه؟ الأهلي بيمثل مصر في البطولة.. زي ما شجعنا بيراميدز والزمالك في أفريقيا، ليه الأهلي بس مش من حقه يتشجع؟”.
وتابع: “بيراميدز لما لعب في دوري الأبطال كنا بندعي له، والزمالك لما كان في الكونفدرالية برضو شجعناه.. ليه لما الأهلي يخسر نفرح؟ حلال عليهم الدعم وحرام على الأهلي؟ هو الأهلي بيمثل نفسه بس؟”.
واختتم تامر أمين: “مش بشتم ولا بهين حد.. بس بسأل.. ليه الفرح بخسارة الأهلي؟ ليه الفرحة دي مش موجودة لما الفرق التانية تخسر؟”.
