عبّر عمرو الجنايني، الرئيس الأسبق للجنة الخماسية باتحاد الكرة وأحد أبرز مشجعي الزمالك، عن فرحته العارمة بعد تتويج نادي الزمالك بلقب كأس مصر، مشيدًا بجماهير القلعة البيضاء وبما قدّمه شيكابالا من مشهد ختامي مميز.
وقال الجنايني خلال تصريحاته على قناة نادي الزمالك:
“كنت متأكد إن ربنا هيكرمنا والزمالك هيكسب في الآخر لما ضربات الجزاء طولت، بس الحمد لله ربنا وفقنا”.
وأضاف:
“شيكابالا ابني وفرحان إنه سجل، ربنا كان شايل له حاجة كبيرة.. الفرحة دي مع الزمالك بتخليك ممكن تقلب مجنون، لأنها فرحة من القلب فعلاً”.
واستكمل:
“شكل جماهير الزمالك كان يفرح، الاستاد كله كان أبيض بخطين حُمر.. وكل اللي كان شاغل بالي هو إزاي الجماهير دي ترجع مش مبسوطة”.
وختم قائلاً:
“الحمد لله الزمالك كسب، الجمهور ده كان لازم يروح فرحان.. ونادي الزمالك مسؤول مننا كلنا سواء إدارة أو لجنة تخطيط أو محبين.. لازم نقف مع النادي”.
