كشف حسين الشحات، نجم فريق الأهلي، عن موقفه النهائي من الاستمرار مع القلعة الحمراء بعد نهاية مشاركة الفريق في بطولة كأس العالم للأندية المقبلة، مؤكدًا أن كل الخيارات مفتوحة أمامه خلال الفترة القادمة.
وقال حسين الشحات، في تصريحات عبر قناة “أون سبورت”: “والله لسه مش عارف هعمل إيه.. آه، في عروض كتير عندي من كذا حتة وكذا بلد، بس لسه مقررتش. أنا بقالي 7 سنين تقريبًا في الأهلي، خدت كل البطولات الممكنة، وعملت كل حاجة مع النادي”.
وأضاف: “لو الأهلي عايزني أمشي بعد كأس العالم للأندية، آه طبعًا خلاص همشي، عشان خاطر أريح دماغي في الكام سنة اللي هلعبهم كورة، ومايبقاش فيه ضغط عليا في كل ماتش وكل بطولة زي اللي بيحصل في الأهلي”.
وعن تأثير الصفقات الجديدة على مركزه في الأهلي قال الشحات: “لا خالص، أنا لسه كنت بتكلم مع حد في الفريق، وبقوله إن بالنسبة لي ككورة لا، مش فارقة، أنا جاهز دايمًا”.
وعند سؤاله عن اللاعبين الذين ينافسونه في مركزه بالأهلي، قال: “لا كتير، في طاهر محمد طاهر، وزيزو، وتريزيجيه، وأشرف بن شرقي، كلهم لعيبة جامدة”.
تصريحات حسين الشحات أثارت جدلًا واسعًا بين جماهير الأهلي، خاصة مع تلميحه بإمكانية الرحيل إذا قرر النادي ذلك، وسط أنباء قوية عن عروض خارجية تلقاها اللاعب مؤخرًا.
