قال الإعلامي خالد الغندور إن حالة من الغموض والقلق بدأت تنتشر بين عدد كبير من لاعبي الزمالك، بسبب عدم وضوح الرؤية داخل الفريق قبل انطلاق فترة الإعداد للموسم الجديد.
وأضاف الغندور، خلال برنامجه “ستاد المحور”، إن اللاعبين تم إبلاغهم أن المسؤول الأول عن الملفات الإدارية والفنية هو جون إدوارد المدير الرياضي، وأن التواصل معهم هيكون من خلاله، سواء بشكل مباشر أو عبر الجهاز الإداري.
لكن المفاجأة إن لحد دلوقتي جون إدوارد لا تواصل مع أي لاعب، ولا حتى انضم للجروب الخاص بالفريق على “واتساب”، وده خلق حالة من الاستغراب داخل غرفة الملابس، ما بين ناس شايفة ده تجاهل، وناس شايفة إنه تأخير غير مبرر.
اللاعبون نفسهم يعرفوا مين مستمر ومين ماشي، خصوصاً إن في أسماء جوه القائمة مش عارفة مصيرها، في الوقت اللي فيه استعدادات للعودة للتدريبات.
كل الأنظار دلوقتي على تحركات جون إدوارد، واللي منتظر يعلن قرارات مصيرية بعد ما يتم حسم ملف المدير الفني الأجنبي.
