قال محمد أبو العلا إن الأهلي لا يتحمل رؤية الزمالك وهو يبدأ في الوقوف على قدميه من جديد، رغم كل الفارق في الظروف والإمكانيات طوال السنوات الماضية.
وأضاف: “أنا لما خدت بطولتين السنة دي منهم السوبر الإفريقي، ولا كل سنة بناخد بطولة، بقيت في دماغك قوي؟ هو الزمالك متعب للدرجة دي؟”.
وتابع: “أنا حتى في المسافات اتكلمت قبل كده.. ليه بتطبق عليا لوائح ومتطبقهاش عليك؟ ليه مجلس بيتحل ومجلسك مبيتحلش؟ ليه اتسمحلك تبني 20 سنة وأنا لا؟”.
وأكد: “الزمالك لو وقف على حيله بجد هتعمل إيه؟ لو خد فرصته العادلة هتعمل إيه؟”.
ووجّه محمد أبو العلا انتقادات لاذعة لمن وصفهم بالكبار في الكرة المصرية بسبب انشغالهم بما أسماه “كيد الصفقات والكلام الرخيص”.
وقال: “الكيد ده صفة لا تلتصق بالرجال عمومًا.. عيب لما تبقى شايب وشعرك أبيض وتقول كلام مفيهوش احترام ولا وقار”.
وأضاف: “كل اللي بعمله إني بحاول أقف على رجلي وأبني المستقبل.. ومع ذلك فيه ناس مش قادرة تستحمل ده”.
وتابع: “كان لازم الكل يبص لنفسه الأول قبل ما يرمي كلام على الزمالك.. احترموا نفسكم ككبار بجد”.
