أبدى الإعلامي أحمد شوبير اندهاشه الشديد من الانتقادات التي يتعرض لها النادي الأهلي بعد نتائجه في بطولة كأس العالم للأندية، مؤكدًا أن هناك حملة غير مبررة يقودها البعض ضد الفريق.
وقال شوبير خلال ظهوره عبر قناة الأهلي: “فجأة بقى الكلام كله على الصفقات الجديدة والمدرب الجديد، مع إن في ناس كتير بتجري ورا كلام ناس أصلًا مش بتحبك ولا عايزاك تكسب، حتى لو جبت بطولات”.
وأضاف: “اللي بيشجع الأهلي ماينفعش يمشي ورا ناس كارهينك.. تكسب سلة يقولك الاتحاد مش عارف إيه، تكسب دوري القدم يقولك البطولة ضعيفة.. أي بطولة تفوز بيها يقللوا منها دايمًا”.
وأكد شوبير أن الأجواء المناخية كانت شديدة الحرارة في أمريكا بشكل لم يسبق أن واجهه الأهلي من قبل، قائلاً: “أقسم بالله الجو كان حر لا يطاق، دي ظروف محدش يقدر يتحكم فيها”.
واختتم: “هي دي كرة القدم.. وارد تكسب ووارد تخسر، ولازم جمهور الأهلي يكون مع فريقه دايمًا في الحلوة والمرة”.
