شوبير منفعلاً من تصرف مدرب الأهلي أمام إنتر ميامي: “فين بن شرقي؟! لا سخّن ولا شارك.. حاجة تخلّي الواحد يستغرب!”

أثار الإعلامي أحمد شوبير علامات استفهام عديدة حول موقف المغربي أشرف بن شرقي، لاعب الأهلي، خلال مواجهة الفريق أمام إنتر ميامي في افتتاح مشوار الأحمر ببطولة كأس العالم للأندية 2025.

وقال أحمد شوبير عبر راديو “”ون سبورت”: “عايز أتكلم كده بوضوح شديد فين اشرف بن شرقي؟ يعني لما اللاعيبة قامت تسخن .. أنا قاعد في الملعب فشايف بقى، وجود الواحد في الملعب بيفرق”.

وتابع: “كل اللاعيبة سخنت واللي لعب منهم واللي ملعبش لكن أشرف بن شرقي مسخنش ولا مرة خالص، هل مسخنش لانه مش سليم بنسبة 100%؟ لو مش سليم مكنش هيبقى موجود على الدكة اصلا “.

وأضاف: “حاجة غريبة جدًا يعني بصراحه وحاجة تخليك تقعد تحسبها هو فين بن شرقي؟ مسخنش ليه؟ هو زعلان ولا ايه”.

واختتم: “لما تطلع تريزيجيه .. ما الطبيعي إن أنت هتلاعب أشرف بن شرقي مكانه ناحية الشمال .. فهل أشرف بن شرقي زعلان؟ أنا معرفش والله لكن أنا الحقيقة مذهول وزعلان جدًا”.