كشف الإعلامي أحمد شوبير، نجم الأهلي الأسبق، تفاصيل جديدة بشأن خروج بعض لاعبي الفريق الأول لكرة القدم بالنادي الأهلي للتسوق في الولايات المتحدة الأمريكية، رغم الخسارة أمام بالميراس البرازيلي في كأس العالم للأندية.
وقال شوبير خلال تصريحاته عبر قناة الأهلي: “أنا شوفت لعيبة كتير في الفندق.. مش قادر أوصف لكم قد إيه هما حزانى ومكسورين من اللي حصل في ماتش بالميراس”.
وأضاف: “الفرقة نزلت اشترت هدوم وكوتشيات ورجعوا تاني على الفندق.. هما أصلاً مش بيخرجوا غير للأكل، الاجتماعات، أو التمرين”.
وتابع: “استغربت جدًا من الحملة اللي حصلت عشان اللعيبة خرجت شوية تتفسح.. يا جماعة هما محتاجين نفسياً يفكوا الضغط ده”.
واختتم: “ريبيرو بنفسه قال للاعيبة إنهم مضغوطين جدًا من ساعة ما جم أمريكا، ولازم يغيروا الجو شوية من الحزن والضغط اللي هما فيه”.
تعليقات زوار الموقع
إتبعنا
