صدام على الهواء بين شريف عبد المنعم ومحسن صالح واكرامي بسبب زيزو: “مش لازم يبدأ أمام بورتو”
شهدت تصريحات نارية في برنامج “اللعيب” على قناة “إم بي سي مصر” حول موقف أحمد سيد زيزو من التشكيل الأساسي للنادي الأهلي في مباراته المرتقبة أمام بورتو البرتغالي.
الإعلامي مهيب عبد الهادي قال: “حسب كلامكم كده عن تشكيل الأهلي قدام بورتو، إنتوا خرجتوا زيزو برا التشكيل”، ليرد محسن صالح قائلاً: “ممكن ينزل الشوط الثاني”.
لكن شريف عبد المنعم فاجأ الجميع بتعليق لافت: “ولا حتى الشوط الثالث! يا جماعة ليه مدخلين زيزو في القصة؟ ليه بتدخلوه في اللعبة وأنا شايف إنه مش مفروض يخش؟”.
وأضاف: “أنا مش بتريق، لكن قصدي إن كان في هارموني شغال وبنكسب بيه وخدنا بيه الدوري، سيبه زي ما هو”.
مهيب سأل: “يعني انت ضد إن زيزو يبدأ؟ طيب ينزل الشوط الثاني ولا لأ؟”، ليرد عبد المنعم: “معرفش، دي رؤية المدير الفني، مش أنا المدرب، لكن أنا شايف إن حسين الشحات من أقوى الناس اللي بتلعب في المكان ده”.
وتدخل إكرامي قائلاً: “هو حسين الشحات هيلعب في اليمين”، ليختتم عبد المنعم: “طبعاً، طول عمره بيلعب ناحيه اليمين”.
