غضب سيد معوض من الشماتة في خسارة الأهلي امام بالميراس بتعليق مثير

هاجم الكابتن سيد معوض نجم الأهلي ومنتخب مصر السابق، كل من يشمت في خسارة الأهلي ببطولة كأس العالم للأندية 2025، مؤكدًا أن ما يحدث أمر غير منطقي.

وقال سيد معوض، خلال ظهوره عبر قناة “MBC مصر”: “الشماتة في خسارة الأهلي في كأس العالم للأندية؟ حاجة تضحك والله، والموضوع كله يخص جمهور الأهلي بس، محدش ليه علاقة خالص”.

وأضاف: “يكفي الأهلي شرف المشاركة في كأس العالم للأندية، سواء كسب أو خسر، في النهاية الأهلي بيمثل مصر كلها مش نفسه بس”.

وتابع قائلا: “وزي ما أنتي قولتي يا ياسمين عز.. اللي مش عايز يشجع الأهلي براحته، ميتفرجشي، بس ليه الشماتة الغريبة دي؟ مفيش أي مبرر للفرحة في خسارة فريق مصري بيمثل البلد”.

وأشار معوض إلى أن جمهور الأهلي فقط هو من يملك الحق في الغضب أو الرضا، أما باقي الجماهير فلا يحق لها الشماتة بهذا الشكل غير المقبول.