أبدى أحمد حسام ميدو حزنه الشديد من الحالة التي ظهر عليها لاعبو الأهلي خلال مواجهة بالميراس، مؤكدًا أن الأزمة تتجاوز فكرة الانتماء للأهلي أو الزمالك.
قال ميدو:”صدق أو لا تصدق… أنا زملكاوي، لكن والله كنت قاعد زعلان جدا على اللي بيحصل في الماتش… الموضوع أكبر من أهلي وزمالك أو نكاية، ده اسم مصر قبل أي حاجة”.
وأضاف:”دي المفروض تكون أحسن فرقة في مصر، واللاعيبة لازم تقدم مردود أفضل من كده حتى لو خسروا… لكن للأسف كل اللاعيبة من غير استثناء مش قادرين يعملوا أساسيات الكرة زي الاستلام والتسلم والتحركات في الكرات الثابتة”.
واستكمل:”لما يكون في فريق فيه 5 أو 6 لاعيبة دوليين في منتخب مصر وتيجي تلاعب لاعيبة محترفة وتظهر كده؟ يبقى فيه كارثة كبيرة، ولازم نراجع نفسنا في مصر إحنا ليه وصلنا للحالة دي”.
وأوضح:”الإعلام السبب الرئيسي، لأنه للأسف بيطبل للاعيبة محدودة الإمكانيات، وبيخليهم يظهروا أبطال قدام فرق ضعيفة في الدوري… لكن أول ما يواجهوا ليفل أعلى المستوى الحقيقي بيبان… لازم نراجع نفسنا بجد”.
وختم:”الموضوع ملوش علاقة بأهلي وزمالك… لازم كل لاعب ياخد حقه حسب مستواه مش حسب القميص اللي بيلبسه… الإعلام لازم يكون عادل عشان الكورة المصرية تقوم تاني”.
