كشف الإعلامي كريم رمزي عن كواليس تحركات نادي الزمالك خلال الفترة الحالية، في ظل الغموض الذي يحيط بملف المدير الفني الجديد وصفقات تدعيم الفريق للموسم المقبل.
وقال رمزي عبر قناة أون تايم سبورتس:”سألنا في الزمالك عن الصفقات الجديدة وعن المدرب المنتظر عشان نطمن جمهور النادي، اتقال لنا بالحرف: إحنا شغالين على كل الملفات في سرية تامة، ومش هنعلن عن المدير الفني دلوقتي”.
وأضاف:”حتى الصفقات الجديدة محدش هييجي إلا لما نخلص ملف المدرب الأول، وهو اللي يختار اللاعيبة بنفسه، عشان كده مفيش أسماء ولا تفاصيل قبل ما نعلن عن المدير الفني”.
وتابع:”هشام نصر بيتولى بشكل مباشر ملف التعاقدات الجديدة مع چون إدوارد، لكن المعلومة المؤكدة إن محدش قادر يعرف تفاصيل الصفحات ولا حتى اسم المدير الفني لحد دلوقتي”.
وأشار كريم رمزي إلى أن إدارة الزمالك رفضت الكشف عن أي موعد محدد للإعلان عن الصفقات أو المدرب، مؤكدة أن العمل يتم في هدوء وسرية كاملة.
