خرج الإعلامي كريم رمزي بتصريحات مثيرة عبر القناة الأولى، أبدى خلالها استياءه الشديد من حالة “الشماتة” المنتشرة بين الجماهير بعد خسارة الأهلي أمام بالميراس البرازيلي في كأس العالم للأندية.
وقال كريم رمزي:”إيه حجم الشماتة ده كله في خسارة الأهلي من بالميراس؟! أنا شوفت كمية شماتة على السوشيال ميديا غير طبيعية… ناس كتير فرحانة جداً ومش عايزة تسيب الأهلي في حاله!”.
وأضاف:”فيه ناس بتقولك أهو اللي صرفوا ملايين، والحكام هنا مش بيجاملوا زي عندنا، ومعندهمشي رابطة زي بتاعتنا، ومعرفشي إيه تاني… طب ليه الشماتة دي كلها؟!”.
وواصل:”أنا كنت قايل قبل كده… مش لازم تشجع الأهلي في البطولة، براحتك، دي حرية شخصية، لكن عيب تتشمت فيه كده… ده في الآخر بيمثل مصر، شايل علم البلد يا جماعة!”.
واختتم حديثه برسالة حزينة قائلاً:”هذا الرخص في التعامل مع الأهلي مش طبيعي… انتقد، آه، لكن الشماتة دي طالعة من القلب والله! عيب والله عيب!”.
تصريحات كريم رمزي أثارت موجة من السخرية بين الجماهير التي رأت أن الإعلام الرياضي نفسه ساهم في تضخيم الأهلي قبل السقوط، ليأتي اليوم ويطالب بعدم الشماتة!
