كشف الدكتور أشرف صبحي وزير الشباب والرياضة تفاصيل جديدة حول تدخله في أزمة مكافآت منتخب مصر الأولمبي، وأزمة الهدايا التي وصلت للنادي الأهلي وأثارت جدلاً واسعاً.
وقال: “في أزمة الأولمبياد المدير الفني كان هيمشي لأنه مش لاقي لاعيبة، فتدخلنا واخترنا زيزو والنني علشان يوزن الفريق، وحصلت هناك مشاكل كبيرة وكان زيزو ممكن يمشي ومش هيكمل، وكان لازم أتدخل”.
وأضاف: “كمان لما رحت استاد القاهرة والمنتخب بيتجمع، زيزو ومعاه كذا لاعب اشتكوا إنهم مأخدوش مكافأة الأولمبياد، فتواصلت معاهم عشان نحل الموضوع وقتها، ووضحت التفاصيل كلها للناس”.
وعن أزمة الهدايا بالأهلي قال: “لما حصلت الضجة بتاعت الهدايا اللي راحت للنادي الأهلي والناس اتكلمت كتير، أنا رفضت أي إساءة للنادي وتدخلت عشان أحمي صورة الأهلي كمؤسسة كبيرة ومحترمة”.
وتابع: “أنا دايمًا بتدخل في الوقت المناسب لحماية المؤسسات دون الانحياز لطرف على حساب الآخر”.
