فتح مصطفى عفروتو لاعب الأهلي السابق النار على منظومة كرة القدم المصرية بالكامل، موجهاً انتقادات قاسية لطريقة إدارة اللعبة في مصر، سواء على المستوى الفني أو البدني أو حتى العقلي.
وقال عفروتو عبر ستوري على حسابه الرسمي في “إنستجرام”:”احنا بعاد قوي عن كرة القدم بجد فنياً وبدنياً وخططياً وكل حاجة… والموضوع مش له علاقة بالأهلي أو أي نادي تاني، لكن للأسف ده نتاج القرف اللي بنشوفه من المنظومة كلها”.
وأضاف:”يا ريت بتوع الإعلام يبطّلوا نفخ في اللاعيبة… احنا أصلًا على الله حكايتنا! الموضوع مش فني بس، ده منظومة كاملة فيها خلل… لما صلاح اتكلم زمان عن العقلية الكل اتريق عليه وماسبهوش”.
وواصل:”كلنا قعدنا نتريق على كلامه، لكن للأسف هو كان سابقنا بكتير في التفكير… وإحنا هنا مش فالحين غير في السقطة واللقطة، نطلع نقطع في اللاعيبة والمدربين بس عمرنا ما بنحل المشكلة بجد”.
عفروتو بذلك يكرر صرخة جديدة حول تدهور الكرة المصرية، ويؤكد أن الأزمة تتجاوز مجرد مستوى اللاعبين أو الفنيات داخل الملعب، مشيراً إلى أن الخلل عميق في طريقة التفكير والإدارة في الرياضة المصرية ككل.
