فجر جمال عبدالحميد، نجم الزمالك السابق، مفاجآت من العيار الثقيل بشأن موقفه من تشجيع الأهلي في بطولة كأس العالم للأندية، مؤكدًا أنه لا يشجع الفريق الأحمر رغم كونه ممثل مصر في البطولة.
وقال عبدالحميد في تصريحات نارية عبر قناة النهار: “أنا بتكلم كمصري، مش شرط أشجع الأهلي.. لما الزمالك لعب في قطر وتونس وطلبنا تأجيل ماتش واحد عشان نلعب، قالوا ساعتها الزمالك مش بيمثل مصر.. ليه الأهلي دلوقتي بيمثل مصر؟”.
وأضاف: “زمان لما كنت في الأهلي وكنت نجم الفريق الأول، وجبت بطولات للنادي، أول ما اتصابت اترميت واتقال عليا إشاعات وحشة عشان يمشوني.. بعد كل ده أشجعه ليه؟ أنا مش شايف سبب يخليني أشجع الأهلي بصراحة”.
ورفض جمال عبدالحميد أن ينسى ما تعرض له في الأهلي قائلا: “أنا لما كنت هناك عمري ما قعدت ماتش على الدكة، ولما اتصابت اتعاملت أسوأ معاملة.. ليه أشجعه دلوقتي؟”.
