فتح الدكتور مدحت العدل، المؤلف والكاتب المعروف وواحد من أبرز رموز جماهير نادي الزمالك، النار على أحمد سيد زيزو بعد تصريحاته الأخيرة بشأن رحيله عن القلعة البيضاء.
وقال العدل عبر حسابه الشخصي: “زيزو بيقول إن الزمالك جاله عرض بـ6 أو 7 مليون دولار! الكلام ده غير صحيح، أعلى عرض وصل للزمالك كان 2 مليون دولار من نادي سعودي درجة تانية، وده تقريباً نفس المبلغ اللي الزمالك عرضه عليه لتجديد العقد”.
وأضاف: “زيزو بيحاول يوهم الجمهور إن الزمالك ضيّع عليه فرصة كبيرة، لكن الحقيقة إن الصورة مشوهة، ونصيحة ليك: العب في ناديك الجديد من غير شو إعلامي، لأنك إنت ووالدك للأسف مش بتعرفوا تتكلموا”.
واختتم العدل رسالته قائلاً: “الزمالك هو الزمالك.. قبلك وبعدك. لاعيبة أعظم منك بكتير سابوا النادي إما بالاعتزال أو بالانتقال، والزمالك لسه بيكسب بطولات.. وآخرها كأس مصر على حساب أقوى نادي في أفريقيا، ومن غيرك”.
