مدير رياضي؟ مدير كرة؟ عبدالغني ساخرًا: أنا مش فاهم مين بيدير الأهلي وزيزو عقده كده ازاي

انتقد الإعلامي مجدي عبدالغني طريقة إدارة الأهلي حاليًا، متسائلًا عن الدور الذي يقوم به محمد يوسف، وما إذا كان يتولى منصب المدير الفني أم مدير الكرة في نفس الوقت.

وقال عبدالغني عبر قناة “MBC مصر 2”: “أنا مش فاهم حاجة.. محمد شوقي قال قبل كده إنه عمره ما هيبقى مدير كرة وهو مدير فني، لكن أول ما الأهلي قاله تعالى مدير كرة راح.. ده مش منطق”.

وأضاف: “هو المدير الرياضي ده بيعمل إيه بالظبط؟ لازم يكون في حد بيربط أوضة اللبس ويسيطر عليها، وده دور مدير الكرة الحقيقي”.

وأكمل: “لازم يبقى في شخصية قوية جوه أوضة اللبس، خاصة لو الإدارة خدت قرارات غريبة زي إنها تدي لاعب 100 مليون وغيره لا، لازم يكون في حد موجود يظبط الدنيا”.

وفي مفاجأة أثار بها الجدل، قال عبدالغني: “زيزو عقده داخل اتحاد الكرة مكتوب بـ5 مليون جنيه! إزاي؟ معرفش.. بس الظاهر عشان ميدفعوش عليه ضرائب أو رسوم”.