مصطفى فتحي يتغنى بجماهير الزمالك بعد التتويج بلقب دوري ابطال افريقيا مع بيراميدز ويكشف الفارق

كشف مصطفى فتحي لاعب بيراميدز الحالي، عن الفارق الكبير الذي شعر به عند انتقاله من الزمالك إلى بيراميدز، خاصة على مستوى الدوافع والضغوط الجماهيرية.

وقال مصطفى فتحي في تصريحات لقناة “MBC مصر 2”: “الوضع كان مختلف تماماً لما روحت بيراميدز، لأن مفيش نفس فكرة الحافز والضغوط اللي كنت حاسسها في الزمالك”.

وتابع: “في الزمالك، جماهير النادي كانت دايماً في ضهرك، وبتكون حافز كبير ليك، والضغوط هناك كانت 200%، كل ماتش كان لازم تكسب”.

وأضاف: “لكن أول ما رُحت بيراميدز، مكنش في نفس الإحساس.. تكسب أو تخسر، مفيش ضغوط عليك ولا حافز واضح”.

وأشاد فتحي بالمدير الفني يورشيتش، قائلاً: “المدرب هو اللي قدر يعوض ده، ونجح إنه يصنع عندنا الحافز ده من جديد، وبقينا بندخل كل ماتش عاوزين نكسب”.