مهيب عبد الهادي يُطلق تصريحًا ناريًا بشأن زيزو.. والشاطر يرد: “شمتوا الناس فيه ليه؟!” فيديو
علّق الإعلامي مهيب عبدالهادي على الهجوم الذي تعرض له أحمد سيد زيزو نجم الأهلي، بعد مشاركته أمام إنتر ميامي في افتتاح مشوار الفريق بكأس العالم للأندية، مشيرًا إلى وجود حالة من “الشماتة غير المبررة” على حد وصفه، من بعض جماهير السوشيال ميديا، فيما أبدى الكابتن إسلام الشاطر تعجبه من قرار استبدال اللاعب خلال اللقاء، رغم جاهزيته.
وقال مهيب عبدالهادي، عبر قناة MBC مصر: “شايف شماتة غير طبيعية على زيزو من الجمهور في السوشيال ميديا بطريقة صعبة أوي بصراحة.. وانت يا كابتن إسلام كان ليك تجربة مشابهة، روحت من الزمالك للأهلي، والوقت ده الضغوط فيه كبيرة، فزيزو عايز يقول يعني انت شمت الناس فيا ليه؟”
ورد إسلام الشاطر قائلاً: “ده حقيقي.. وأنا شايف طالما خدت قرار تشارك نجم كبير زي زيزو بدل نجم كبير زي إمام عاشور، لازم تكمل القرار للآخر حتى لو متفق معاه يلعب ساعة بس.. لأن ده الكلام اللي هيطلع الفترة الجاية إنه متفق معاه يلعب ساعة واحدة بالكتير”.
وأضاف: “أنا شايف إن مكنش ليها لازمة التغييرة، وزيزو مكنش عنده مشكلة بدنية وكان يقدر يكمل، في الآخر صعب الحكم على المدرب من دلوقتي، ولازم يبقى فيه تركيز في المباراتين الجايين، وعماد النحاس لازم يدخل ويكون ليه دور”.
