أكد أحمد حسام ميدو، عضو لجنة التخطيط في نادي الزمالك، أن تصريحاته الأخيرة عن افتقاد بعض اللاعبين المصريين لأساسيات كرة القدم، كانت بهدف تطوير المنظومة وليس الهجوم على نادٍ بعينه.
وقال ميدو في تصريحات عبر برنامج “الكابتن” مع أحمد حسن على قناة dmc:
“أنا بتكلم دايمًا عشان نطور منظومة الكرة في مصر، وده كلام عام مش موجه ضد الأهلي ولا الزمالك”.
وأضاف: “إحنا عندنا قصور كبير في تأسيس اللاعبين من سن 8 لحد 14 سنة، وفيه مشاكل كمان في تأهيل المدربين، مفيش محتوى علمي كافي لرخص التدريب”.
وتابع: “الناس بتاخد كلامي بحساسية، بس أنا بتكلم عشان مصلحة الكرة في مصر، مش عشان أهاجم حد، لازم نكون في ضهر بعض بدل ما نحارب التطوير”.
واختتم ميدو: “ماكنتش زعلان من الهجوم اللي حصل ولا اللي قللوا من مستوايا، بس الأرقام هي اللي بتتكلم عن تاريخي الحقيقي”.
تعليقات زوار الموقع
إتبعنا
