شنت الإعلامية لميس الحديدي هجومًا قويًا على لاعبي النادي الأهلي، بعد خروجهم للتسوق في الولايات المتحدة الأمريكية، عقب الهزيمة أمام بالميراس في كأس العالم للأندية.
وقالت الحديدي عبر برنامجها على قناة On E: “بعد ما خسرنا مباراة بالميراس، حتى لو بإذن المدرب والمدير الفني، اللاعيبة نزلت تعمل شوبينج في أمريكا.. مفيش إحساس! يا أخي إنت عندك نفس إزاي؟ هو في حد عنده نفس يشتري حاجة بعد خسارة زي دي؟”.
وأضافت: “الواحد لما ابنه يجيب درجة وحشة في الامتحان بيتنكد أسبوع.. إزاي اللاعيبة دي عندها طاقة تنزل تتفسح وتتبسط وتشتري؟! إنتوا منكدين على ملايين المصريين وعندكم نفس للفسح والشوبينج؟”.
وتابعت: “الحقيقة إن في لامبالاة واضحة من بعض اللاعبين، حتى لو كان بإذن من الجهاز الفني أو مجلس الإدارة.. دي لامبالاة ولازم يكون في وقفة حاسمة”.
واختتمت: “إحنا مدفعناش الفلوس دي كلها علشان تبقى النتيجة كده.. لازم يتحملوا المسؤولية قدام الناس”.
