شنّ الكابتن أحمد بلال هجومًا ناريًا على أداء النادي الأهلي أمام فريق إنتر ميامي الأمريكي في بطولة كأس العالم للأندية، مؤكدًا أن المباراة لم تعجبه نهائيًا، مشيرًا إلى أن الأهلي سبق له اللعب ضد فرق أقوى بكثير من الفريق الأمريكي.
وقال بلال عبر قناة النهار الفضائية: “هو الأهلي أول مرة يلعب كأس عالم للأندية؟! وهل اللاعيبة دي ملعبتش على مستويات أعلى؟ طب إيه اللي اتلعب إمبارح ده؟”.
وأضاف: “مع احترامي لإنتر ميامي، لو شيلنا ميسي ونزلنا إحنا المعتزلين نلعب كنا هنطلع صفر صفر برضه.. الفريق معندوش حاجة خالص غير ميسي، ولاعيبته كبيرة في السن وضعيفة جدًا”.
وواصل: “مينفعش حد يقول الأهلي لعب شوط كويس.. هو الشوط الكويس ده مش معناه تكسب؟! إزاي ألعب شوط أول كويس والشوط التاني أتغلب أربعة؟!”.
واختتم بلال حديثه قائلًا: “الأهلي قدّم واحدة من أسوأ مبارياته في البطولة قدام فريق كان سهل جدًا الفوز عليه.. الفرصة كانت تاريخية والأهلي ضيعها”.
