علق أحمد سالم المتحدث الرسمي باسم نادي الزمالك، على حالة الجدل التي تسيطر على جماهير النادي في الساعات الماضية بسبب غياب الأخبار الرسمية عن صفقات الفريق والمدير الفني الجديد.
وقال سالم في تصريحات عبر قناة نادي الزمالك:”الموضوع ببساطة مفيش أخبار لكن في أحداث بتحصل بالفعل، ويمكن ده اللي عامل اللخبطة والجدل عند الناس إن فيه حاجات بتحصل فعلاً لكن مش بيتم الإعلان عنها دلوقتي”.
وأضاف:”في مفاوضات مع مدربين ولاعبين ومسؤولين إداريين، بس مش من الطبيعي أو الصح إن كل التفاصيل دي تتنشر أول بأول، علشان كده الناس متخيلة إن الإدارة متأخرة أو مش حاسمة قراراتها، لكن الحقيقة إن كل حاجة ماشية بشكل منظم وسريع جداً”.
وأكد سالم: “جمهور الزمالك من حقه يقلق وده طبيعي، بس بحب أطمنهم إن في قرارات قوية وهتُعلن في الوقت المناسب وهتكون مرضية للجميع بإذن الله”.
تعليقات زوار الموقع
إتبعنا
