وصلة هجوم نارية وتهزيق من أحمد سالم لشوبير بسبب قناة الأهلي في كأس العالم للأندية – فيديو
شن الإعلامي أحمد سالم، عبر قناة الشمس، هجومًا ناريًا على أحمد شوبير بسبب تصريحاته الأخيرة من أمريكا خلال تغطيته لبطولة كأس العالم للأندية، مؤكدًا أن شوبير يحاول الزج باسم الزمالك رغم عدم مشاركته في البطولة.
وقال سالم في رسالته لشوبير: “يا كابتن شوبير.. حضرتك رايح أمريكا تغطي بطولة مفيهاش الزمالك، يعني إيه لزوم إنك تلقّح كلام على الزمالك؟ هو الزمالك داخل في الموضوع ليه أصلاً؟ سيب الزمالك في حاله”.
وأضاف: “حتى التغطية بتاعتكم بقت مادة للكوميكس على السوشيال ميديا.. الناس بتضحك عليها، والمصريين عارفين النوع ده من الإعلام الرياضي كويس وشبعانين منه”.
وتابع: “أمريكا مش مهتمة أصلاً بكرة القدم، ولا حتى الجمهور عايز يحضر الماتشات، الفيفا عمال يقلل أسعار التذاكر عشان يملوا المدرجات، يبقى ليه التلقّيح علينا؟! سيبوا الزمالك في حاله والأهلي في حاله، بلا حساسيات ولا عدوات ملهش لازمة”.
واختتم سالم حديثه قائلاً: “الأهلاوية يتفرجوا ويشوفوا تغطيتهم، والزمالكاوية مش مهتمين ومش عايزين حد يجيب سيرتهم.. سيب الزمالك لجمهوره”.
